1939 ರಿಂದ ನಿರಂತರ ನಿಮ್ಮ ಸೇವೆಯಲ್ಲಿ
ಸಹಕಾರ ಸಂಘದ ಶ್ರೇಷ್ಠತೆಯ ಪ್ರತೀಕ
ಮಲೆನಾಡು ಅಡಿಕೆ ಮಾರಾಟದ ಸಹಕಾರ ಸಂಘ ನಿಯಮಿತ
Malnad Areca Marketing Co-operative Society Limited
call 08182-250513 250514 email ho@mamcos.info
location_on ಎ.ಪಿ.ಎಂ.ಸಿ ಯಾರ್ಡ್, ಸಾಗರ ರಸ್ತೆ, ಶಿವಮೊಗ್ಗ - 577204
ಅಡಿಕೆ ಸಿಪ್ಪೆಯಿಂದ ಕಾಂಪೋಸ್ಟ್ ಗೊಬ್ಬರ ತಯಾರಿಕೆ
Compost from Areca Husk
ಕಾಂಪೋಸ್ಟ್ ತಯಾರಿಕೆಗಾಗಿ ಒಣಗಿದ ಅಡಿಕೆ ಸಿಪ್ಪೆಯನ್ನು ಮಾತ್ರ ಉಪಯೋಗಿಸಬೇಕು. ಆದ್ದರಿಂದ ಹಸಿ ಅಡಿಕೆಯನ್ನು ಸುಲಿಸಿ ಬರುವ ಸಿಪ್ಪೆಯನ್ನು 2-3 ತಿಂಗಳವರೆಗೆ ಬಯಲಲ್ಲಿ ಒಣಗಿಸಬೇಕು. ಚಾಲಿ ಅಡಿಕೆ ಸಿಪ್ಪೆಯನ್ನು ನೇರವಾಗಿ ಉಪಯೋಗಿಸಬಹುದು.
ಗುಂಡಿ ಗಾತ್ರ
20 × 5 × 5 ಅಡಿ
ಒಟ್ಟು ಸಮಯ
6 ತಿಂಗಳು
ಎರೆಹುಳು
5 ಕೆ.ಜಿ. / ಗುಂಡಿ
ತಯಾರಿಸುವ ಪ್ರಕ್ರಿಯೆ
ಗುಂಡಿಯ ತಳಭಾಗ ಸಿದ್ಧಪಡಿಸಿ
20 × 5 × 5 ಅಡಿ ಗಾತ್ರದ ಗುಂಡಿಯ ತಳದಲ್ಲಿ ತೆಳುವಾಗಿ ಒಣ ಎಲೆ ಮತ್ತು ಸ್ವಲ್ಪ ಪ್ರಮಾಣದ ಕೆಂಪು ಮಣ್ಣು ಹರಡಿ.
1/3 ಭಾಗ ಸಿಪ್ಪೆ ತುಂಬಿ
ಮೇಲೆ 1/3 ಭಾಗ ಒಣಗಿದ ಅಡಿಕೆ ಸಿಪ್ಪೆಯನ್ನು ತುಂಬಿ. ನಂತರ 1 ಕೆ.ಜಿ. Pleurotous sajar caju ಅಥವಾ Phanerochaete chrysosporium ಸೂಕ್ಷ್ಮ ಜೀವಿಗಳ ಮಿಶ್ರಣ + 1 ಕೆ.ಜಿ. ಯೂರಿಯಾ ಹಾಕಿ ಸಗಣಿ ಬಗ್ಗಡ ಸಿಂಪಡಿಸಿ.
ಉಳಿದ 2 ಪದರಗಳು
ಪುನಃ ಎರಡು ಬಾರಿ 1/3 ಭಾಗ ಸಿಪ್ಪೆ ತುಂಬಿ ಪ್ರತಿ ಪದರಕ್ಕೂ ಯೂರಿಯಾ + ಸೂಕ್ಷ್ಮ ಜೀವಿಗಳ ಮಿಶ್ರಣ + ಸಗಣಿ ಬಗ್ಗಡ ಹಾಕಿ.
ಮುಚ್ಚಳ ಮತ್ತು ನೆರಳು
ಮೇಲ್ಭಾಗವನ್ನು ತೆಂಗಿನ ಸೋಗಿಯಿಂದ ಮುಚ್ಚಿ. ಸಾಧ್ಯವಾದರೆ ಚಪ್ಪರ ಮಾಡಿ ಸೂರ್ಯನ ಬಿಸಿಲು ಭಾಗಶಃ ಬೀಳುವಂತೆ ಮಾಡಿ.
ತೇವಾಂಶ ಮತ್ತು ತಿರುವು
2-3 ದಿನಗಳಿಗೊಮ್ಮೆ ನೀರು ಹಾಕಿ ತೇವಾಂಶ ಕಾಪಾಡಿಕೊಳ್ಳಿ. ತಿಂಗಳಿಗೊಮ್ಮೆ — 3 ತಿಂಗಳವರೆಗೆ — ಗುದ್ದಲಿ ಸಹಾಯದಿಂದ ಸಿಪ್ಪೆಯನ್ನು ತಿರುವಿ ಹಾಕಬೇಕು.
ಎರೆಹುಳು ಸೇರ್ಪಡೆ
3 ತಿಂಗಳ ನಂತರ ಪ್ರತಿ ಗುಂಡಿಗೆ 5 ಕೆ.ಜಿ. ಎರೆಹುಳುಗಳನ್ನು ಬಿಡಬೇಕು. ಪ್ರತಿ ವಾರ ತೆಳುವಾಗಿ ಸಗಣಿ ಬಗ್ಗಡ ಹಾಕಿ ತೇವಾಂಶ ಕಾಪಾಡಿ. ಎರೆಹುಳು ಹಾಕಿದ ನಂತರ ಮಿಶ್ರಣ ಮಾಡಬಾರದು.
ಒಟ್ಟು 6 ತಿಂಗಳಲ್ಲಿ ಸಿದ್ಧ
ಮಳೆಗಾಲದಲ್ಲಿ ನೀರು ನಿಂತರೆ ಕೆಳಭಾಗದಲ್ಲಿ ಪೈಪ್ ಹಾಕಿ ಹೆಚ್ಚಾದ ನೀರನ್ನು ತೆಗೆಯಬೇಕು. ಮೇಲ್ಕಂಡ ಎಲ್ಲಾ ಪ್ರಕ್ರಿಯೆಗಳನ್ನು ಸರಿಯಾಗಿ ಮಾಡಿದ 6 ತಿಂಗಳಲ್ಲಿ ಉತ್ಕೃಷ್ಟ ಗೊಬ್ಬರ ತಯಾರಾಗುತ್ತದೆ.
ಕಾರ್ಬನ್ ಫೈಬರ್ ದೋಟಿ
ಕರ್ನಾಟಕದ ಮಲೆನಾಡು, ಅರೆಮಲೆನಾಡು ಹಾಗೂ ಕರಾವಳಿ ಭಾಗಗಳಲ್ಲಿ ಅಡಿಕೆ ಮತ್ತು ತೆಂಗಿನ ತೋಟಗಳಲ್ಲಿ ಕೊಯ್ಲು ಮತ್ತು ಔಷಧಿ ಸಿಂಪರಣೆಗೆ ಉಪಯೋಗಿಸಬಹುದು.
ಸಾಂಪ್ರದಾಯಿಕವಾಗಿ ಮರಹತ್ತುವ ಮೂಲಕ ಮಾಡುವ ಕೊಯ್ಲು/ಸಿಂಪರಣೆಯಿಂದ ಉಂಟಾಗುವ ಜೀವಹಾನಿಯನ್ನು ತಡೆಗಟ್ಟಬಹುದು. ಔಷಧಿಯ ಸಮರ್ಪಕ ಸಿಂಪರಣೆ — ಕಡಿಮೆ ತೂಕದಿಂದ ಸುಲಭ ಮತ್ತು ವೇಗದ ಕೊಯ್ಲು.
Height
60 - 80 ಅಡಿ
Weight
4.5 - 6.5 ಕೆ.ಜಿ.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ
ಅಡಿಕೆ ಸಂಶೋಧನಾ ಕೇಂದ್ರಗಳು